सिरिजङ्गाले माग्यो नीति,कार्यक्रम तथा बजेट निर्माणको लागि राय

ताप्लेजुङ । ताप्लेजुङको सिरिजङ्गा गाउँपालिकाले आगामि आर्थिक वर्ष २०८०÷८१ को नीति,कार्यक्रम तथा बजेत निर्माणको लागि सार्वजनिक रुपमा राय सुझाव माग गरेको छ ।

गाउँपालिकाको सन्तुलित विकास,सार्वजनिक सेवा प्रवाह,गरिवी निवारण,आर्थिक तथा सामाजिक विकासको क्षेत्रमा रहेर रचनात्मक र सान्दभिर्क सुझाव दिन बुद्धिजिवी,शिक्षक साथै सरोकारवालासँग सुझावका लागि आह्वान गरिएको पालिका उपाध्यक्ष डाक्टर चित्र मावोले बताएका छन् ।

उनका अनुसार पालिकाको विकासको लागि सरोकारवालाले मंगलबार देखि जेठ १५ गते सम्म सकरात्मक,रचनात्मक र पालिकाको हित हुन सक्ने किसिमका सुझाव दिन सक्नेछन् ।

सुझाव पालिकाका तेल्लोक,आम्बेगुदिन,सिनाम,पेदाङ,खेबाङ,सिकैचा,मामाङ्खे र याम्फुदिन गरि ८ वटै वडा कार्यलयमा पुगेर,जनप्रनीधिलाई भेटेर साथै पालिकाको ईमेल ठेगाना [email protected] मा ईमेल गरेर समेत सुझाव दिन सकिने उपाध्यक्ष डाक्टर मावोले जनाएका छन् ।