स्पेन र पोर्चुगलको बराबरी, नेपाली समयअनुसार आजको खेल तालिका

सोची, /  समूह बीको स्पेन र पोर्चुगलले विश्व कपको पहिलो खेलमा ३–३ को बराबरी खेलेका छन् ।

यस पटकको विश्व कपमा प्रतिक्षा गरिएको मध्ये एक खेलको चौथोे मिनेटमै रोनाल्डोको पेनाल्टी गोलमा पोर्चुगलले अग्रता लिएको थियो । २४ औं मिनेटमा कोस्टाले पोर्चुगलका रक्षापक्तिलाई तोड्दै बराबरी गोल गरेका थिए । बराबरी उन्मुख पहिलो हाफ सकिन १ मिनेट बाँकी रहँदा रोनाल्डोले अर्को गोल थपेपछि खेल रोमाञ्चक बनेको थियो ।

५४ औं मिनेटमा स्पेनका कोस्टाले बराबरी गोल गरे । ५८ औं मिनेटमा नाचोले गोल गर्दै स्पेनलाई अग्रता दिलाएका थिए । तर, निर्धारित समयमा २ मिनेट बाँकी हरँदा रोनाल्डोले फ्रिकिकमा बराबरी गोल गरे भने व्यक्तिगत रुपमा ह्याट्रिक पुरा गरे । स्पेन र पोर्चुगलको समान १ अंक छ ।

नेपाली समयअनुसार आजको खेल तालिका

बेलुका ५ः४५ – फ्रान्सविरुद्ध -अस्ट्रेलिया, तेस्रो समूह
बेलुका ६ः४५ – अर्जेन्टिनाविरुद्ध -आइसल्याण्ड, चौथो समूह
राति ९ः४५ – पेरुविरुद्ध -डेनमार्क, तेस्रो समूह
राति १२ः४५ – क्रोयसियाविरुद्ध -नाइजेरिया, चौथो समूह

एजेन्सी