सीटी सेन्टरको चौथो तलाबाट खसेर सुरक्षागार्डको मृत्यु प्रकाशित मिति : 2 March, 2018 3:02 pm १८ फागुन, काठमाडौं । काठमाडौंको कमलपोखरीस्थित सीटी सेन्टरबाट खसेर सुरक्षागार्डको मृत्यु भएको छ । मृत्यु हुनेमा पाँचथरको फिदिमका २६ वर्षीय रविन भुजेल छन् । भुजेल मलमा कार्यरत् सुरक्षाकर्मी हुन् । शुक्रबार मलको चौथो तलबाट झलेर उनको मृत्यु भएको काठमाडौं प्रहरी परिसरले जनाएको छ । बिहान ३ बजे मलबाट झरेका उनको घटनास्थलमै मृत्यु भएको हो । भुजेलको आफन्तजनले भने उनको मृत्युप्रति आशंक व्यक्त गर्दै सत्यतथ्य, छानबिनको माग गरेका छन् । प्रहरीले थप अनुसन्धान थालेको छ ।
