‘कांग्रसले पुनर्जीवन पाउँछ’

दमौली / कांग्रेस वरिष्ठ नेता रामचन्द्र पौडेलले जनताको घरदैलो गरे पार्टीले पुनर्जीवन पाउने वताएका छन् ।

१२९ औं अन्तर्राष्टिय श्रमिक दिवसका अवसरमा मंगलवार टेड यस नियन कांग्रेस तनहुँले दमौलीमा आयोजना गरेको कार्यक्रममा उनले गाउँगाउँमा कांग्रेस कार्यकर्ता पुगेर संगठन गरे पार्टीले पुनर्जीवन पाउने वताए । ‘काग्रेस कार्यकर्ता जनताको घरदैलोमा जानुपर्छ,’ उनले भने, ‘जनतासँग प्रत्यक्ष सरोकारका विषयमा केन्द्रित भएर जनताको पक्षमा काम गर्न आवश्यक छ । पार्टी संगठन गर्न म पनि गाउँ गाउँमा आउँछु ।’

अहिले सांसद संख्या कम भए पनि अझै पनि कांग्रेससँग जनमत रहेको दावी उनले गरे । ‘कर्मशिल कांग्रेशले मात्र पार्टीलाई पुर्नर्जीवन दिन्छ,’ उनले भने । पार्टीको संगठन मजबुत वनाए ५ वर्षपछिको चुनावमा कांग्रेसले पूर्ण बहुमत ल्याउने उनको भनाइ थियो । यसको लागी कर्मशील भएर पार्टीको संगठन बनाउन उनले कार्यकर्तालाई निर्देशन दिए ।

कांग्रेसले सरकारमा रहँदा गरेका विकास निर्माणका कार्यहरुबारे जनतामा प्रचारप्रसार गर्नुपर्नेमा उनले जोड दिए ।, आजको कान्तिपुरको १४ पृष्ठमा यो खवर छापिएको छ ।