प्रेस चौतारी ताप्लेजुङको वार्षिक साधारण सभा सम्पन्न 

ताप्लेजुङ । प्रेस चौतारी नेपाल जिल्ला शाखा ताप्लेजुङको वार्षिक साधारण सभा सम्पन्न भएको छ । प्रेस चौतारी नेपालको केन्द्रीय अध्यक्ष गणेश बस्नेतको प्रमुख आतिथ्यमामा उक्त वार्षिक साधारण सभा सम्पन्न भएको हो । 

सभामा केन्द्रीय अध्यक्ष बस्नेत सँगै प्रेस चौतारी नेपाल कोशी प्रदेशका अध्यक्ष अविराज विष्ट, केन्द्रीय सदस्यहरू, प्रेस चौतारी नेपाल पाँचथरका अध्यक्ष रविन्द्र काफ्ले, प्रेस युनियन ताप्लेजुङका अध्यक्ष सान्तोष पुकुर्टी, प्रेस सेन्टरका सचिव दिलकुमार फेम्बू, आदिवासी जनजाति पत्रकार महासङ्घका अध्यक्ष दिनेश लिङ्खिम साथै अन्य पत्रकारहरू र प्रेस चौतारी निकट पत्रकारहरूको उपस्थिति रहेको थियो । 

प्रमुख अतिथि चौतारीका केन्द्रीय अध्यक्ष बस्नेतले प्रेस चौतारीका सबै सदस्यहरूलाई सत्यमा आधारित समाचार लेख्न आग्रह गरेका छन्, उनले भने, ‘मेरो कुरा तथ्यका आधारमा सत्य स्थापित गर्ने हाम्रो काम हो । त्यसैले प्रेस चौतारीका सम्पूर्ण सदस्यहरूमा मेरो आग्रह छ, सत्यमा आधारित समाचार लेखौँ । ’

उक्त साधारण सभामा प्रेस चौतारी नेपाल ताप्लेजुङको सांगठनिक र आर्थिक प्रतिवेदन पनि प्रस्तुत गरिएको प्रेस चौतारी नेपाल ताप्लेजुङका अध्यक्ष बसन्त पालुङवाले जानकारी दिएका छन् ।