युवा संघ नेपाल ताप्लेजुङको अध्यक्षमा चोङ्बाङ

ताप्लेजुङ । नेकपा एमाले निकट राष्ट्रिय युवा संघ नेपाल जिल्ला कमिटी ताप्लेजुङको ९औं जिल्ला अधिवेशन सम्पन्न भएको छ । सदरमुकाम फुङलिङमा आज मनोज चोङवाङको अध्यक्षतामा ६३ सदसीय कमिटी गठन गर्दै अधिवेशन सम्पन्न भएको हो ।  

नेकपा एमाले कोशी प्रदेश कमिटी अध्यक्ष तुलसी न्यौपानेको प्रमुख आतिथ्यमामा सम्पन्न अधिवेशनले कमिटीको उपाध्यक्षमा मानिक तोम्बाहाङ्फे सचिवमा डेविट लिम्बू सह सचिवमा नवीन रेग्मी र कविता सेन्दाङ चयन भएका छन् । यस्तै कोषाध्यक्षमा प्रकाश एभेङलाई सर्वसम्मत चयन गरेको युवासंघ नेपालका केन्द्रिय सदस्य तथा ताप्लेजुङ इन्चार्ज गोपाल न्यौपानेले जानकारी दिएका छन् । 

कार्यक्रममा अध्यक्ष न्यौपाने सँगै नेकपा एमाले प्रदेश कमिटीका सदस्यहरू बलबहादुर साम्सोहाङ, छत्रपति प्याकुरेल नेकपा एमालेका जिल्ल कमिटी अध्यक्ष भुपेन्द्र थेवे, युवासंघ नेपालका केन्द्रिय सचिव तथा नेकपा एमालेका जिल्ला कमिटि उपसचिव दिपेन्द्र पोमू (दिपेन) जिल्ला उपाध्यक्ष सन्तोष खतिवडा , उपसचिव मणीशंकर पोमू लगायत नेकपा एमालेका बिभिन्न तहका नेताहरू र युवा सङ्घका नेताहरूको उपस्थिति रहेको  थियो ।