युनेस्कोको सहयोगमा मिडिया साक्षरता सम्बन्धि १ दिने गोष्ठि सम्पन्न

पाँचथर । मिक्लाजुङ ६ कन्याटार पाँचथरमा मिडिया साक्षरता सम्बन्धि १ दिने गोष्ठि सम्पन्न भएको छ । माघ २ गते युनेस्कोको आर्थिक सहयोगमा ग्रामिण क्षेत्रका किशोर किशोरीहरुलाई मिडिया साक्षरता र सामाकि सञ्जालको बिषयमा गोष्ठि सम्पन्न भएको हो ।

उक्त गोष्ठीमा मिक्लाजुङ ६ कन्याटारका ४० जना युवाहरु सहभागीता रहेको थियो । गोष्ठीको सहजिकरण युनेस्को मिडिया च्याम्पियन सुप्रिया राईले गरेकी थिइन । मिथ्या सूचना र यसको असर बारे पत्रकार महासंघ पाँचथरका अध्यक्ष गिरिराज बाँस्कोटाले जानकारी दिएका थिए । साइबर बुलिङ र यसको प्रभावबारे पत्रकार दिपक बोहोराले बिचार राखेका थिए ।

कार्यक्रममा मिक्लाजुङ ६ का वडाध्यक्ष पुणर्कुमार आङबोहाङ, स्थानिय राजनितिक दलका प्रतिनिधिहरु,प्रहरी र स्थानियहरुको सहभागीता रहेको थियो । साथै स्थानिय रेडियो रबिमा माघ ३ गते युनेस्को मिडिया च्याम्पिन सुप्रिया राई र पत्रकार महासंघ पाँचथरका अध्यक्ष गिरिराज बाँस्कोटाले मिडिया साक्षरता र मिथ्या सूचना र यसको असर बारे रेडियो कार्यक्रम समेत सञ्चालन गरेका थिए ।