अर्जेन्टिना फिफा विश्वकप २०२२ को नकआउट चरणमा प्रवेश

एजेन्सी । अर्जेन्टिना समूह विजेता बन्दै फिफा विश्वकप कतार २०२२ को नकआउट चरणमा प्रवेश गरेको छ । समूहको अन्तिम खेलमा पोल्यान्डलाई २-० ले हराउँदै अर्जेन्टिना अन्तिम १६ मा प्रवेश गरेको हो ।

४७ औं मिनेटमा एलेक्सेस म्याक एलिस्टरको गोलमा अग्रता लिएको थियो । जुलियन अल्भारेजले ६७ औं मिनेटमा अग्रता दोब्बर पार्दा अर्जेन्टिनाले जित पक्का गर्यो ।

पहिलो हाफमा मेस्सी पेनाल्टीमा चुकेपछि दबाबमा आएको अर्जेन्टिनाले दोस्रोहाफमा राम्रो प्रदर्शन गरेको हो । खेलभर पूरै अर्जेन्टिना हाबी भएको थियो । पहिलो खेलमा साउदीसँग पराजित भएको अर्जेन्टिना लगातार दुई खेल जित्दै समूह विजेता बन्यो ।

यस जितसँगै अर्जेन्टिना ३ खेलमा ६ अंक जोड्दै अंक तालिकाको शीर्षस्थानमा रहयो । पोल्यान्ड समूहको दोस्रो स्थानमा रहेर नकआउट चरणमा पुग्यो ।