प्रेम बहादुर पालुङवा र सकुन्तला पालुङवा मादेनद्धारा शान्ति लिम्बूलाई छात्रवृत्ति प्रदान

गंगा लिङखिम

ताप्लेजुङ । सामुदायिक विद्यालयबाट एस.ई.ई. परिक्षामा उत्कृष्ट अङ्क ल्याई उत्रिर्ण भएकी एक छात्रालाई छात्रवृत्ति वितरण गरिएको छ । 

आज एक कार्यक्रमको आयोजना गरी ताप्लेजुङको फक्ताङलुङ गाउँपालिकी शान्ति लिम्बूलाई छात्रवृत्ति स्वरुप फुङलिङ नगरपालिका ४ मुकुमलुङ्ग चोक मेदिबुङ बतासे निबासी प्रेम बहादुर पालुङवा र सकुन्तला पालुङवा मादेनद्धारा २२ हजार नगत र प्रमाणपत्र हस्तान्तरण गरिएको हो ।

उक्त छात्रवृत्ति कार्यक्रमका प्रमुख अतिथि फुङलिङ नगरपालिकाका मेयर अमिर मादेनले हस्तान्तरण गरेका हुन् । लिम्बूले गत वर्षको एस.ई.ई परीक्षामा श्री सरस्वती माध्यमिक विधालयबाट २.३० जीपीए ल्याएर उत्रिर्ण भएकी थिइन् । उनी फक्ताङलुङ गाउँपालिकै उत्कृष्ट अङ्क ल्याउने छात्रा हुन् । 

आगामी वर्षहरूमा पनि यसरी नै उत्कृष्ट अंक ल्याउने विद्यार्थीहरूलाई हाउसला स्वारुप छात्रवृत्ति प्रदान गरिदै जाने सुवास पालुङवाले बताए ।