अनियमित महिनावारी भएमा के के हुन्छ त ?

महिनावारीको समस्या महिलाहरुको आम समस्या हो । तर, महिनावारीको महत्वबारे जानकारी नहुँदा महिलाहरु अक्सर महिनावारीलाई अभिशाप ठान्ने गर्छन् । र, महिनावारीको समयमा प्रायः तनावमा रहने गर्छन् । जबकी अनियमित वा समयमा महिनावारी नहुनु आफैमा ठूलो समस्या हो । अनियमित महिनावारीकै कारण महिलाहरुलाई स्वास्थ्य सम्बन्धि विभिन्न समस्या हुने गर्छ । त्यसैले त चिकित्सकहरु अनियमित महिनावारी भएमा सजग हुन सुझाव दिने गर्दछन् ।

किनकी, अनियमित महिनावारीकै कारण महिलाहरुमा बाझोपना, ओभरीयन सिष्ट लगायतका गम्भीर समस्या निम्तने गर्दछ । जसका कारण महिलाहरुलाई विभिन्न रोगले सताउने गर्दछ ।

मेन्स्ट्रअल व्लिडिङको समस्या

अनियमित महिनावारीका कारण धेरैलाई इन्टर मेन्स्ट्रअल व्लिडिङ अर्थात दुई महिवारीको बीचको समयमा व्लिडिङ हुने समस्या हुन्छ । आकस्मिक रुपमा प्रयोग गरिने गर्भनिरोधक चक्कीको प्रयोगले पनि यो समस्या हुने गर्दछ । त्यसबाहेक, अण्डकोषमा सिस्ट भएमा वा गर्भाशयमा क्यान्सर भएमा पनि यो समस्या निम्तने गर्छ । त्यसैले, यस्ता समस्या भएमा तुरुन्तै चिकित्सकलाई देखाउनु पर्दछ ।

कम ब्लिडिङ हुनु

धेरै व्लिडिङ भईरहने मानिसलाई कम व्लिडिङ्ग भइदिदा खुशी लाग्नु स्वभाविकै हो । जबकी कम व्लिडिङ्ग हुनु वा नहुनु आफैमा समस्या हो । त्यसैले, महिनावारीको क्रममा कम व्लिडिङ्ग भएमा तुरुन्त चिकित्सकसित सल्लाह लिनु पर्दछ । किनकी शरीरमा आवश्यक पोषकतत्वको कमी भएमा वा रगतको मात्रा कम भएमा पनि कम व्लिडिङ्ग हुने गर्छ ।

रगतको थक्का बन्नु

महिनावारी हुदाँ रगतको थक्का निस्कनु सामान्य कुरा हो । तर महिनावारीको समयमा धेरै भन्दा धेरै रगतको थक्का बन्न भनेको चिन्ताको विषय हो । किनकी पाठेघरमा फाइब्राइड ९क्यान्सर रहित मासुको डल्लो० वा ट्युमर भएमा पनि रगतको थक्का बन्ने गर्छ । त्यसैले, सामान्य भन्दा बढी रगतको थक्का बनेको शंका लागेमा समयमै चेकजाच गरेर पनि गर्भासयमा हुनसक्ने विभिन्न समयस्याबाट जोगिन सकिन्छ ।

विभिन्न समस्याका कारणले पेट दुख्नसक्छ

सामान्यतया महिनावारी भएको एक, दुई दिन पेट बेस्सरी दुख्ने गर्छ । तर यस्तो दुखाई महिनावारी सकिएसँगै क्रमश कम हुँदै जान्छ । यसका बाबजुद बेस्सरी पेट दुखेमा भने तुरुन्तै चिकित्सकको परामर्श लिनु पर्छ । अन्यथा फ्राइबोइड्स वा इन्डोमेट्रियोसिस का कारण पनि पेट बेस्सरी दुख्न सक्छ । इन्डोमेट्रियोसिस यस्तो रोग हो, जसमा गर्भासयको बाहिरी परतको कोषिका असामान्य तरीकाले बढ्न थाल्छ । र, विस्तारै सिस्ट वा घाउको रुपमा विकास भई पेटमा पिडा हुन थाल्छ । सामान्यतया, फाइब्रासिस भएमा पेट भारी भएको महसुस हुन्छ र बारम्बार बाथरुम जान मन लाग्छ ।

सरसफाईमा ध्यान दिने

महिलाहरुले आफ्नो प्राइभेट पार्टको सरसफाईमा ध्यान दिन जरुरी छ । अझ महिनावारीको समयमा सरसफाईमा अझै बढी ध्यान दिन आवश्यक छ । महिनावारीको समयमा सरसफाईमा ध्यान दिदा त्यसले शरीरलाई स्वस्थ राख्न त मद्दत गर्छ नै, पिसाब नलीको संक्रमण ९युटीआई० लगायतका अन्य संक्रमणबाट बचाउन समेत मद्दत गर्छ ।

पीएमएस

धेरै जसो महिलालाई महिनावारीको समयमा मु्ड स्वीङ्ग हुने, टाउको दुख्ने, ढाड दुख्ने, डिप्रेसन हुने लगायतको समस्या हुने गर्दछ । यस्ता समस्यालाई प्रि(मेन्सुअ्रल सिन्ड्रोम ९पिएमएस० पनि भन्ने गरिन्छ । स्वस्थ जीवनशैली अपनाएर, स्वस्थ खानपान अपनाएर तथा नियमित रुपमा व्यायाम गरेर पनि पिएमएसलाई कम गर्न सकिन्छ ।