स्वतन्त्र विधार्थी युनियन पाथीभरा क्याम्पसद्धारा गणतन्त्र दिवसको अवसरमा हाजिरी जवाफ सम्पन्न

ताप्लेजुङ । १६ औँ गणतन्त्र दिवसको अवसरमा पाथीभरा क्याम्पसमा तहगत अन्तर सङ्काय हाजिरीजबाफ प्रतियोगितामा सम्पन्न भएको छ । क्याम्पसको स्वतन्त्र विधार्थी युनियन (स्ववियू) क्याम्पस समितिको आयोजनामा अन्तर सङ्काय हाजिरीजबाफ प्रतियोगितामा सम्पन्न भएको हो ।

१० समुहको सहभागितामा भएको प्रतियोगितामा शिक्षा शास्त्र सङ्काय तेस्रो वर्षका प्रवेश गौतम, दिपेश थापा र प्रकृति शेर्पाको समुह प्रथम स्थान हाँसिल गर्न सफल भएको छ ।

त्यस्तै शिक्षा शास्त्र सङ्काय प्रथम वर्षका उर्मिला गौतम, समिक्षा वस्नेत र सोनु भट्टराईको समुह द्धितीय बन्दा शिक्षा शास्त्र सङ्काय दोश्रो वर्षका गङ्गा राम तामाङ, मिङ्मा शेर्पा र दिपेश लिम्बुको समुह तृतीय स्थान हाँसिल गर्न सफल भएको छ ।

प्रतियोगितामा प्रथम हुने प्रवेश गौतमको समुहले नगद पाँच हजार, द्धितीय हुने उर्मिला गौतमको समुहले नगद तिन हजार र तृतीय हुने गङ्गा राम तामाङको समुहले नगद दुई हजार सहित प्रमाणपत्र प्राप्त गरेका छन् ।

स्ववियू सभापति अर्जुनखिम्दीङको अध्यक्षतामा भएको कार्यक्रममा सञ्चालक समिति सदस्य शिला ईजमको प्रमुख आतिथ्यता र क्याम्पस प्रमुख युवराज बस्नेतको विशिष्ट आतिथ्यता रहेको थियो ।