प्रेस सेन्टर नेपाल ताप्लेजुङद्धारा २२ विधार्थीलाई शैक्षिक सामाग्री वितरण

ताप्लेजुङ । प्रेस सेन्टर नेपालको १९ औँ स्थापना दिवसको अवसरमा प्रेस सेन्टर ताप्लेजुङले फरक क्षमता भएका विधार्थीलाई शैक्षिक सामाग्री वितरण गरेको छ ।आइतबार संगठनको स्थापना दिवसको अवसरमा जिल्ला शाखा ताप्लेजुङले फरक क्षमता भएका विद्यार्थीलाई शैक्षिक सामग्री वितरण गरेको हो ।

सदरमुकामस्थित फुङ्लिङ नगरपालिका–४ को बालमन्दिर आधारभूत विद्यालयमा अध्ययनरत फरक क्षमता भएका २२ विद्यार्थीलाई शैक्षिक सामग्री वितरण गरिएको प्रेस सेन्टर नेपाल ताप्लेजुङ जिल्ला अध्यक्ष जीवन कालिकोटेले बताए । प्रेस सेन्टर नेपालका केन्द्रीय सचिव चन्द्र पन्दाक (प्रयास) को उपस्थितिमा शैक्षिक सामग्री वितरण गरिएको कालिकोटेले बताए ।

कार्यक्रममा पत्रकार महासंघ ताप्लेजुङका अध्यक्ष आनन्द गौतम, बालमन्दिर आधारभूत विद्यालय व्यवस्थापन समिति अध्यक्ष राधाकृष्ण पौडेल, नेपाल पत्रकार महासंघ ताप्लेजुङका पूर्वअध्यक्ष खगेन्द्र अधिकारी लगायतको उपस्थिति रहेको थियो ।