५७७ जनामा कोरोना पुष्टि, २ को मृत्यु

काठमाडौं । पछिल्लो २४ घन्टामा थप ५७७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट ४२८२ नमूना परीक्षणमा ५७७ जनामा कोरोना पुष्टि भएको हो ।

मन्त्रालयका अनुसार पछिल्लो २४ घन्टामा २४७४ नमूनाको पीसीआर र १८६ नमूनाको एन्टिजेन विधिबाट परीक्षण भएको थियो । जसमध्ये पीसीआरबाट ३९१ र एन्टिजेनबाट १८६ जनामा कोरोना देखिएको हो ।

कोरोनाबाट आज थप २ जनाको मृत्यु भएको छ । मन्त्रालयका अनुसार शुक्रबार थप २६९ जना कोरोनामुक्त भएका भएका छन् । कोरोना सक्रिय संक्रमितको संख्या ४३५६ पुगेको छ ।

यस्तै पछिल्लो २४ घन्टामा २८ हजार २५६ जनाले कोरोना विरुद्धको खोप लगाएको मन्त्रालयले जनाएको छ ।