फुङलिङ नगरपालिका ९ हाङ्देवामा एमालेका लक्षमुन गुरुङ विजयी

ताप्लेजुङ । फुङलिङ नगरपालिका वडा नम्बर ९ हाङ्देवामा एमालेका उम्मेदवार लक्षुमन गुरुङ विजयी भएका छन् । उनले आफ्ना प्रतिस्पर्धी नेपाली काँग्रेसका धनेन्द्र प्रसाद गुरुङलाई २७ मतले पछि पार्दै वडा अध्यक्षमा विजयी भएका हुन् । लक्षुमन गुरुङले ७८८ मत प्राप्त गर्दा धनेन्द्र गुरुङले ७६१ मत प्राप्त गरेका छन् । त्यस्तै जनता समाजवादी पार्टीबाट वडा अध्यक्षका उम्मेदवार बनेका माख्रोल मादेनले ७ मत प्राप्त गरेका छन् ।

खुल्ला सदस्यमा काँग्रेसका लाक्पा नुपु शेर्पा ७४३ र अमृत बहादुर मादेन ६२९ मत प्राप्त गर्दै विजयी भएका छन् । महिला सदस्यमा काँग्रेसकी सविना लिम्बु ६३८ साथै दलित महिला सदस्यमा एमालेकी दिलुसा खाती ६६३ मत प्राप्त गर्दै विजयी भएका छन् ।