ताप्लेजुङको तमोर हाइड्रोपावरमा चाईनिज कामदारको मृत्यु प्रकाशित मिति : 16 January, 2020 9:34 pm ताप्लेजुङ । ताप्लेजुङको फुङलिङ नगरपालिका १० मिक्लुङ स्थित रहेको निर्माणधिन सानीमा मिडल तमोर हाइड्रोपावरमा काम गर्ने चाईनिज कामदार मृत्यु भएको छ । हिजो राती ११ बजेको समयमा ५१ बर्षिय चाङस्याकन सिमेन्ट घोल्ने मिसिनमा च्यापिएर गम्भिर घाईते भएका थिए । घाईतेलाई उपचारकोलागी जिल्ला अस्पताल ताप्लेजुङ ल्याउने क्रममा बाटैमा मृत्यु भएको हो । घटना सम्बन्धमा थप अनुसन्धान भईरहेको जिल्ला प्रहरी कार्यालय ताप्लेजुङले जनाएको छ ।
