ताप्लेजुङमा काठे पुलबाट खसेर १ जनाको ज्यान गयो,

प्रयास लिम्बू ताप्लेजुङ १६ असोज / काठको पुल तर्ने क्रममा चिप्लिएर खोलामा खस्दा ताप्लेजुङ मैवाखोला गाउँपालिका वडा नं. ३ मा खोला तर्ने क्रममा एकजनाको ज्यान गएको छ । मृत्यु हुनेमा मैवाखोला गाउँपालिका वडा नं. ४ का २९ वर्षीय सुरेन्द्र तामाङ रहेका छन् ।

स्थानीय सुनिता शेर्पाका अनुसार काम सकेर घर फर्कने क्रममा भष्मेखोला माथि थापिएको काठको पुलबाट चिप्लिएर तामाङको मृत्यु भएको हो । शव मोष्टमार्टमका लागि ताप्लेजुङ अस्पताल ल्याएको छ । घटनास्थल पुगेका इलाका प्रहरी कार्यालय दोभानका प्रहरी निरीक्षक बिनोद निरौलालाई उद्दृत गर्दै शेर्पाले जानकारी दिएका हुन् ।