नेपाल लाइफ इन्स्योरेन्सद्धारा मृत्युदावी रकम हस्तान्तरण

प्रयास लिम्बू
ताप्लेजुङ, असोज ९ गते । नेपाल लाइफ इन्स्योरेन्स कम्पनी लिमिटेड
ताप्लेजुङ शाखाले साढे २६ लाख रुपियाँ बढी मृत्यु दावी रकम भुक्तानी गरेको
छ । बिहीबार सदरमुकाम फुङ्लिङमा एक कार्यक्रमको आयोजना गरी
इन्स्योरेन्स कम्पनीले बिमितका आफन्तलाई रकम हस्तान्तरण गरेको हो ।

कम्पनीका शाखा प्रमुख हिमाल राईका अनुसार फुङ्लिङ नगरपालिका–२ बस्ने
दिलमाया शङ्खरले ‘नौलो जीवन समृद्धि जीवन’ अन्तर्गत २५ लाख रुपियाँको
बीमा गर्नुभएको र दिलमायाको मृत्यु भएपछि उहाँका श्रीमान् गङ्गाराम
शङ्खरलाई बीमा रकम र बोनससहित २६ लाख ६२ हजार ५०० रुपियाँ प्रदान
गरिएको हो ।

उक्त रकम बराबरको चेक शाखा प्रमुख राई र वरिष्ठ एजेन्सी
म्यानेजर भीमप्रकाश दाहालले संयुक्त रुपमा शङ्खरलाई हस्तान्तरण गर्नुभयो ।
कुल २५ लाख रुपियाँको बीमाङ्क रकममा कम्पनीले एक लाख ६२ हजार ५००
रुपियाँ बोनस थप गरेर मृतकका आफन्तलाई रकम प्रदान गरिएको शाखा प्रमुख
राईले बताउनुभयो ।

उहाँका अनुसार नेपाल लाइफमा २५ लाख रुपियाँको
बीमा गर्नुभएकी दिलमायाले दुई लाख १४ हजार रुपियाँ एक किस्ता मात्र प्रिमियम
रकम बुझाउनुभएको थियो । अर्को किस्ता बुझाउन नपाई उहाँको २०७५
साल पुस ५ गते उपचारको क्रममा निधन भएको कम्पनीले जनाएको छ ।