गायक धीरज राईले टाँसे ५० होटलमा बुद्धको स्टिकर

काठमाडौं साउन १३ भगवान् गौतम बुद्धको जन्म नेपालमा भएको हो भनेर विश्वका विभिन्न राष्ट्रमा सांगीतिक कार्यक्रमसहित प्रचार–प्रसार गरेका गायक धीरज राईको उक्त अभियान अझै थामिएको छैन । उनी विभिन्न क्रियाकलापबाट बुद्धको जन्म नेपालमा भएको हो भन्ने सन्देश बाँडिरहेका छन् ।

यस्तैमा केही दिन पहिले काठमाडौका हजार ट्याक्सीमा बुद्धका स्टिकर टाँसेर प्रचार गरेका गायक धिरजले अहिले फेरि भेडेटारको ५० होटलमा बुद्धको स्टिकर टाँसेका छन् ।

भेडेटारमा विशेष गरेर विदेशी पर्यटकहरु आउने भएकोले बुद्धको बारेमा प्रचार गर्ने र फैलिएको भ्रम चिर्ने खालका स्टिकर होटलमा टाँसिएको गायक धीरजले बताएका छन् ।

राईका अनुसार स्टिकर देखेपछि चर्चा हुने र चर्चाको समय बुद्धको वास्तबिकता बुझाउन सकिनेछ ।
राईले यस अघि बुद्ध वाज व्रन इन नेपाल गित मार्फत पनि बुद्धको प्रचार गरेका थिए ।