जेठ १८ मा रिलिज हुने भनिएको भैरे अब साउन ४ दर्शकमाझ आउने

काठमाण्डौं / जेठ १८ मा रिलिज हुने तयारीमा रहेको भैरे फिल्म अब साउन ४ गते मात्रै दर्शकमाझ आउने भएको छ । निर्माता र हल व्यवसायीको आन्दोलनको अन्योलका कारण पर्याप्त प्रचारप्रसार गर्न नसकिएकाले प्रदर्शन मिति सारिएको निर्देशक एभरेस्ट सूर्य बोहोराले जानकारी दिएका छन् ।

फिल्ममा दयाहाङ राई, वर्षा शिवाकोटी, सुरक्षा पन्त, बुद्धि तामाङ, विक्रान्तकुमार बस्नेतलगायतले अभिनय गरेका छन् ।

पुरुषोत्तम प्रधानले खिचेको फिल्मको कथा निर्देशक बोहोरा आफैँले लेखेका हुन् । फिल्मको निर्मातामा प्रेमप्रसाद पौडेल, देवीमाया अधिकारी, यम बराल, सविता गुरुङ, लेखबहादुर पुनलगायत रहेका छन् ।