तोक्मे डाँडा सामुदायिक वनको आगलागी आयो नियन्त्रणमा

देबेन्द्र बानियाँ

ताप्लेजुङ । ताप्लेजुङको फुङलिङ नगरपालिका ७ स्थित तोक्मे डाँडा सामुदायिक वनमा आगलागी भएको छ । आज दिउँसो २ बजे बाट लागेको आगो नियन्त्रणमा लिईएको जिल्ला प्रहरी कार्यलय ताप्लेजुङले जनाएको छ ।

कफि हाउस पल्लो डाँडा देखि कृषि सडकसम्म आगलागी भएको जनाईएको छ । तोक्मे डाँडा सामुदायिक वनको दुई वटा ब्लक मध्ये एक नम्बर ब्लकमा आगलागी भएको र १४ हेक्टर वन मध्ये लगभग ७ हेक्टरमा आगलागी भएको तोक्मे डाँडा सामुदायिक वन उपभोत्ता समुहका अध्यक्ष प्रेम बहादुर पालुङ्वाले जानकारी दिए ।

आगलागी भएको खबर पाउने वितिकै बजारबाट नजिकै भएकोले वनको आगो बजारमा पस्न नदिन अग्नी रेखा बनाउने काम सहित नगरपालिकाको दमकल, नेपाल प्रहरी ,सशस्त्र प्रहरी र नेपाली सेना सहित स्थानिय मिलेर आगो नियन्त्रणमा ल्याउन सफल भएको प्रहरिको भनाई छ ।

आगलागीको कारण भने अहिलेसम्म खुल्न सकेको छैन् । यो वर्ष ताप्लेजुङमा हिउँदे वर्षा नहुँदा बन् जङ्गलमा पूरै खारेडी लागेको छ ।