शेर्पा विद्यार्थी संघको आयोजनामा आधारभूत लेखा तथा कार्यक्रम सञ्चालन सम्बन्धी तालिम सम्पन्न 

ताप्लेजुङ । नेपाल शेर्पा विद्यार्थी संघ जिल्ला कार्यसमितिले आयोजना गरेको आधारभूत लेखा व्यवस्थापन तथा कार्यक्रम सञ्चालन सम्बन्धी कार्यक्रम सम्पन्न भएको छ । शुक्रबारबाट होटल पाथिभरामा आयोजना भएको उक्त कार्यक्रम आज सम्पन्न भएको हो ।

शेर्पा विद्यार्थीहरूलाई लक्षित गरी लक्षित एक बाटो अनेक आजको विद्यार्थी भोलिको नेतृत्वको मूल नाराका साथ आयोजना गरिएको उक्त तालिम जम्मा २० जना शेर्पा विद्यार्थीहरूले सहभागि जनाएका थिए । 

विद्यार्थीहरूलाई आधारभूत कार्यक्रम सञ्चालन सम्बन्धी प्रशिक्षण दिनेश लिङखिमले गराएका थिए । यस्तै लेखा व्यवस्थापन सम्बन्धी भने राम चन्द्र नेपाल र सेसराज भट्टराईले सहजीकरण गराएको शेर्पा विद्यार्थी संघ जिल्ला कार्य समितिका अध्यक्ष ओङदी शेर्पाले जानकारी दिएका छन् ।

कार्यक्रमको प्रमुख अतिथिको रुपमा फुङलिङ नगरपालिकाका प्रमुख अमिर मादेनको उपस्थिति रहेको थियो ।