प्रेस युनियनको महाधिवेशन उद्घाटन हेटौंडामा आज हुँदै

काठमाडौं । आज (शुक्रबार) प्रेस युनियनको महाधिवेशनको उद्घाटन मकवानपुरको हेटौंडामा हुँदैछ । ९ वर्षपछि हुन लागेको ८औं महाधिवेशनमा प्रेस युनियनमा अध्यक्षका लागि संस्थापनबाट अनिता बिन्दुको नाम टुंगो लागेको छ ।

बिन्दु नेपाल पत्रकार महासंघकी पूर्व उपाध्यक्षसमेत हुन् । संस्थापनबाट अध्यक्षमा दाबेदारी गरेका सरोज अधिकारी अब बरिष्ठ उपाध्यक्षमा उठ्ने भएका छन् । महासचिवमा भीष्मराज ओझा उठ्ने सहमति बनेको छ ।

पूर्व संस्थापनबाट अध्यक्षमा शिव लम्साल र दीपक आचार्य मुख्य दाबेदार छन् । लम्साल यस अघि अध्यक्षमा बद्रि सिग्देलसँग पराजित भएका थिए ।

पूर्व संस्थापनमा महासचिवमा खिला कार्की, नकुल अर्याल, रमेश वाग्ले र दिलीप पौडेल महासचिवका मुख्य दाबेदार छन् । प्रेस युनियन कांग्रेसको शुभेच्छुक संस्था हो ।