सुहानाको इच्छा ‘भागवत गीता’ले पूरा गर्दै प्रकाशित मिति : 7 July, 2022 9:16 am काठमाडौं । अभिनेत्री सुहाना थापा नयाँ चलचित्रको तयारीमा छिन् । चलचित्र ‘भागवत गीता’को तयारीमा रहेकी केहि दिन अघि मात्रै अमेरिकाबाट फर्किएकी छिन् । साउनको पहिलो साताबाट छायांकनमा जाने तयारीमा रहेको ‘भागवत गीता’को टिजर रिलिज गर्ने तयारीमा निर्माता सुनिल थापा रहेका छन् । झरना थापाले निर्देशन गर्ने यो फिल्ममा सुहानासँग धिरज मगर देखिने भएका छन् । धिरजले यो फिल्मका लागि औपचारिक सम्झौता गरिसकेका छन् । यो जोडीका साथमा फिल्ममा दयाहाङ राई पनि देखिने छन् । यो फिल्म अन्तरजातिय प्रेमकथामा निर्माण हुने छ । लामो समयदेखि सुहानाले धिरजसँग काम गर्ने इच्छा देखाएकी थिइन । उनको यो इच्छा भागवत गीताले पूरा गरिदिने भएको छ ।
