कमला र अमृतको दोश्रो गीत “औठी सुनैको” सार्वजनिक (भिडियो सहित)

काठ्माडौं / कोरोना सन्त्रासबीच गीत एवं म्युजिक भिडियो सार्वजनिक हुने क्रम जारी छ । कोरोना सन्त्रास फैलिएयता राम्रा राम्रा म्युजिक भिडियो पनि निर्माण भइरहेका छन् । लोक, पप, आधुनिक सबैथरीका गीत धमाधम सार्वजनिक भइरहेका छन् । यसैको सिलसिला हो, गोबिन्द भट्टराईको “औठी सुनैको “।

लोकदोहोरी भाकाको यो गीत लोकगीतका पारखीका लागि उपयुक्त हुनसक्छ । बालगायीका कमला घिमिरे र अमृत सापकोटाले यसमा आवाज दिएका छन् ।
शिव हमालले यसको गीत लेखेका हुन्, संगीत राधिका हमालको हो। संगीत संयोजन भने विस्वाश नेपालले गरेका छन् ।

गीतको म्युजिक भिडियो बिशाल इन्टरटेन्टमेन्टबाट बुधवार विहान सार्वजनिक भएको छ । म्युजिक भिडियोमा अमृत सापकोटा, कमला घिमिरे, प्रेम खड्का, धुर्व हिमाली, लोमुशा शर्मा, अर्जुन गौतम आदिले अभिनय गरेका छन् । म्युजिक भिडियोको कोरियोग्राफी एवं निर्देशन बिक्रम चौहानले गरेका हुन् ।