जनताको सम्मान नहुने देशमा उन्नति हुँन सक्दैन : पवन चाम्लिङ

काठमाडौं । सिक्किमका पूर्व मुख्यमन्त्री एवं गीतकार पवन चाम्लिङले जनताको सम्मान नहुने देशमा कहिल्यै उन्नति नहुने बताएका छन् ।

काठमाडौमा बिहीबार गीतकार संघ, नेपालले प्रदान गरेको सम्मान ग्रहण गर्दै नेता चम्लिङले नेपाली भूमिमा आफूले आत्मीय स्पर्श पाउने बताउनुभयो । उहाँले नेपालमा आफूले जीवनकै सबैभन्दा ठूलो सम्मान प्राप्त गरेको बताउनुभयो ।

नेपाली भाषाको संरक्षणमा सिक्किमले अथक प्रयास गरेको भन्दै नेता चाम्लिङले अब सिक्किम विश्वका लागि नमूना बनेको बताउनुभयो । उनले सिक्किम विश्वकै पहिलो जैविक राज्य भएको जानकारी दिँदै जनताको प्रयासले सिक्किमा लोककल्याणकारी राज्य सफल भएको दाबी गर्नुभयो ।

प्रकृति, धर्मसंस्कृति र लोककथनलाई समेत सदुपयोग गरी जनशक्तिकै भरमा सिक्किमले पर्यटनमा सर्वांगीण विकास गरिएको भन्दै नेता चाम्लिङले जनकल्याणको भावना राखेर राजनीति गर्न सुझाव दिनुभएको छ ।