स्वीडेन क्वार्टरफाइनलमा प्रबेश, स्वीट्जरल्याण्ड पराजित प्रकाशित मिति : 3 July, 2018 9:41 pm काठमाडौँ / विश्वकपको सातौं प्रि-क्वाटरफाइनल खेलमा स्वीडेनले स्वीट्जरल्याण्डलाई १-० ले हरएको छ । फोर्स्ब्रेगले ६६ औं मिनेटमा स्वीडेनका लागि खेलमा अग्रता लिन सफल भएको हो । विश्वकपको प्रि–क्वार्टरफाइनल खेलको अन्तिम दिनको पहिलो खेलमा यी दुईको पहिलो हाफ बराबरीमा बितेको थियो । स्विट्जरल्यान्ड समूह ‘ई’ को उपविजेताका रुपमा अन्तिम १६ मा प्रवेश गरेको हो भने स्विडेन समूह ‘एफ’ को विजेताका रुपमा अन्तिम १६ मा छनोट हुन सफल भएको हो । यस खेलमा अधिकांश पोजेशन स्विट्जरल्यान्डले राखे पनि गोल गर्न असफल रहेका छन् । आजकै अर्को खेलमा इंग्ल्याण्ड र कोलम्बिया भिड्दैछन् । स्वीडेनले इंग्ल्याण्ड र कोलम्बियाबीचको विजेतासँग क्वार्टरफाइनलमा भिड्नुपर्नेछ ।
