हैट र मंगली अभिनित चलचित्र ‘मट्टी माला’को ट्रेलर सार्वजनिक [भिडियो सहित]

-बि. पि. साम्याङखाम

काठमाण्डौं, ३ जेठ / पौरखी फिल्मस् प्रा. लि. को ब्यानरमा पृथ्वी राईको निर्माण तथा टेके पौरखी राईको लेखन तथा निर्देशनमा बनेको नेपाली चलचित्र मट्टी माला को ट्रेलर हिजो बुधबार उपत्यकाको राईजिङ मलमा एक कार्यक्रम माझ हाईलाइट्स नेपाल मार्फत रिलिज भएको छ ।

चलचित्र मेरी बास्सै टेलिसिरियलका चर्चित जोडी हनुमाने (बुद्वी तामाङ) र मंगली (रजनी गुरुङ) को मुख्य भुमिका रहेको छ । मट्टी मालामा प्रियंका कार्कीको बिशेष भुमिका रहेको छ । यसैगरी चलचित्रमा शिशिर राना, नेपाली टोनी जाका नामले परिचित चिरन राई, पृथ्वी राई, अरुणा कार्की, अर्जुन गुरुङ, विनोद राई, सन्ध्या श्रेष्ठ, टेकराज लाङ्घाली, बिक्रम लामा, दिपक आचार्य लगायतको अभिनय रहेको छ ।

आगामी जेष्ठ २५ गते रिलिज हुने चलचित्र पारिवारिक, रोमान्स तथा कमेडीले भरिएको छ । हनुमाने–मंगलीको अनस्क्रिन केमिस्ट्री तथा नेपाली टोनी जाका नामले परिचित स्टन्ट म्यान चिरनको एक्सन तथा प्रियंका कार्कीको बिशेश भूमिकाका कारण चलचित्रलाई बहुप्रतिक्षित मानिएको छ । चलचित्रले मट्टी माला (सि माला) नामक माटो भित्र पाइने एक बहुमूल्य धातु (माला) को पृथक कथा बोकेको यस चलचित्रमा गीतकार जानु काम्बाङ लिम्बु, रोशन भट्टराई, साङ्गे ब्लोन तामाङ रहेका छन् ।

कविराज गहतराज, राजेश पुमा राई र दिपेन्द्र शाही ठकुरीको कोरियोग्राफी रहेको यस चलचित्रमा ड्रेस डिजाइनर सीमा राई, साउन्ड डिजाइनर निरज केसी, ब्याग्राउण्ड स्कोर सुजिल कर्माचार्य, डविङ तथा लाईभ इफेक्ट्स सुजन बादल, कलर अनन्त घिमिरे, एक्सन राजेन्द्र चौधरी, पब्लिसिटी डिजाइन क्रिएशन, थिएट्रिकल ट्रेलर सहित खान, प्रोडक्सन म्यानेजर मधु आचार्य, इक्विपमेन्ट सिने फोकस, पोष्ट प्रोडक्सन सिने, ड्रोज राज महर्जन, डिजिटल राइट्स हाइलाइट्स नेपाल र चिफ असिस्टेन्ट डिरेक्टर टेकराज लाङ्घाली रहेका छन् ।

                                                                                   -भिडियो