गृहमन्त्रीले अज्ञात समूहको आक्रमणबाट घाइते भएका मेयरलाई भेटे प्रकाशित मिति : 26 April, 2018 6:19 pm काठमाडौं / गृहमन्त्री रामबहादुर थापा बादलले गत शनिबार अज्ञात समूहको आक्रमणबाट घाइते भएका मध्यपुरथिमी नगरपालिकाका मेयर मदनसुन्दर श्रेष्ठलाई भेटेका छन् । बिहीबार नेपाल(कोरीया मैत्री अस्पतालमा भक्तपुर पुगेर गृहमन्त्री बादलले मेयर श्रेष्ठको स्वास्थ्य अवस्थाबारे जानकारी लिएका हुन् । स्वास्थ्य अवस्थाबारे जानकारी लिदै गृहमन्त्री बादलले आक्रमणमा संलग्न भएको आशंमा केही व्यक्ति पक्राउ परिसकेको र अन्यको पनि खोजविन जारी रहेको बताए । उनले आक्रमणप्रति दुःख व्यक्त गर्दै यस्ता घटना दोहोरिन नदिन गृह मन्त्रालय गम्भीर रहेको बताए । गृहमन्त्री बादलले मेयर श्रेष्ठको शीघ्र स्वास्थ्य लाभको कामना गर्दै दोषीलाई कडा कारवाही गर्ने प्रतिवद्धता समेत व्यक्त गरे । श्रेष्ठमाथि गत शनिबार आफ्नै निवासमा अज्ञात समुले रड प्रहार गरेको थियो ।
