मछिन्द्रलाई पराजित गर्दै फ्रेन्ड्सको पहिलो जित

काठमाडौं  /   पल्सर सहिद स्मारक ए डिभिजन लिगमा एनआईबीएल फ्रेन्ड्स क्लबले  फ्रेन्ड्सले मछिन्द्रलाई ३-० ले पराजित  गर्दै  आईबीएल फ्रेन्ड्स क्लब  पहिलो जित दर्ता गरेको छ   ।

पहिलो हाफमा गोलरहित बराबरी खेलेको फ्रेन्ड्सले दोस्रो हाफमा तीन गोल गर्न सफल भयो । यसअघि खेलको चार खेलमध्ये तीन खेलमा पराजित र एक खेलमा बराबरी खेलेको थियो । फ्रेन्ड्स क्लबको जितमा अनिल महर्जन, सञ्जोक महर्जन र फोफना ब्राहिमनले गोल गरे । खेलको ६५ औं मिनेटमा फोफनाले गोल गर्दै १–० गोलको अग्रता दिलाएका थिए । खेलको ८४ औं मिनेटमा सञ्जोकले गोल गर्दै अग्रता दोब्बर पारे । खेलको अतिरिक्त समयमा अनिलले गोल गर्दै फ्रेन्ड्स क्लबलाई ३–० गोलको अग्रता दिलाएका थिए ।

फ्रेन्ड्सको यो लिगमा पहिलो जित हो । पछिल्लो खेलमा बराबरी खेलेको फ्रेन्ड्सले ५ खेलमा ४ अंक जोडेको छ । यता मछिन्द्र भन्दा लगातार तेस्रो हारसँगै २ अंकमा नै सिमित छ ।