टोटनह्यामको अन्तिम १६ मा जाने सम्भावना संकटमा

काठमाडौं / युरोपियन च्याम्पियन्स लिग फुटबलमा  टोटनह्यामले नेदरल्यान्ड्सको क्लब पिएसभी इन्डोभिनको घरेलु मैदानमा भएको खेलमा  २–२ गोल  को बराबरी खेल्दै अंक बाँडेको छ ।

यसअघि टोटनह्यामले बार्सिलोना र इन्टर मिलानसँग गरी दुवै खेल हारेको थियो । उसले पहिलोपटक बराबरी खेल्दै खातामा अंक जोडेको हो । पिएसभीको घरमा भएको खेलमा घरेलु टोलीका लागि खेलको २९औं मिनेटमा हार्भिङ लाजोन र ८७औं मिनेटमा लुक डे जोङले गोल गरेका थिए । टोटनह्यामका लागि ३९औं मिनेटमा लुकास मोउराले गोल गरे भने ५४औं मिनेटमा ह्यारी केनले गोल गरेका थिए ।

टोटनह्याम खेलको ७९औं मिनेटमा गोलकिपर हुगो लोरिस रातो कार्ड खाँदै बाहिरिएपछि ऊ १० खेलाडीमा सीमित भएको थियो ।  यो बराबरीपछि टोटनह्यामको अन्तिम १६ मा जाने सम्भावना संकटमा परेको छ । ऊ हाल मात्रै १ अंक लिएर तेस्रो स्थानमा छ । शीर्ष स्थानमा रहेको बार्सिलोनाको ९ र दोस्रो स्थानमा रहेको इन्टर मिलानको ६ अंक छ ।