बार्सिलोना मुस्किलले हारबाट जागियो

काठमाडौं / स्पेनिस ला लिगाअन्तर्गत सिजनको सातौं हप्ताको खेल खेलेको बार्सिलोनालाई पाहुना टोली एथ्लेटिक बिल्बाओले उसकै घर क्याम्प नोउमा १–१ को बराबरीमा रोकेको हो ।

पहिलो हाफ १–० ले पछाडि परेको बार्सिलोनाले दोस्रो हाफको अन्त्यतिर खेल बराबरी गरेको थियो । । एथ्लेटिक बिल्बाओका लागि ओस्कार डि मार्कोसले ४१ औं मिनेटमा गोल गरेपछि बार्सिलोना पहिलो हाफ १–० ले पछि परेको थियो ।

खेलको ८४ औं मिनेटमा मेस्सीको अस्सिटमा बार्सिलोनाका मुनिर एल हदाद्धीले गोल गरेसँगै बार्सिलोना कठिन रुपमा हारबाट जोगिएको थियो ।