काठमाडौं पोखरामा पनि किशोरीको शव !

लेखनाथ—विद्यालयबाट घर फर्कने क्रममा बेपत्ता एक किशोरीको रहस्यमय मृत्यु भएको छ । पोखरा १९ लामाचौरकी १३ बर्षिया पुष्पा केसीको शव शुक्रबार घरभन्दा साढे दुई किलोमिटर परे भेटिएको हो ।

विन्ध्यावासिनी मावि बाटुलेचौरमा कक्षा ६ मा अध्ययनरत उनी विहीबारदेखि हराईरहेकी थिइन् । पारिवारिक श्रोतका अनुसार विद्यालयको बसले साढे ४ बजे भरभन्दा सय मिटर वर टाडेको थियो । बहिनीसँगै स्कुल वस चढेर फर्किँदै गरेकी उनी तरकारी किन्न भन्दै केही वरै झरेकी थिइन् । तर अवेरसम्म घर पुगिनन् ।

घर नआएपछि बुबा नृपेन्द्र खत्री र आमा गोमा केसीले यताउता खोज्न थाले । छोरी साथीको घरमा गएको आशंकामाा त्यो दिन प्रहरीलाई खबर गरेनन् ।  शुक्रबार विद्यालय जाने बेलासम्म पनि नआएपछि उनीहरुले विद्यालयमा खबर गरे ।, आजको कान्तिपुर दैनिकमा यो समाचार छापिएको छ ।