पूर्व पश्चिम राजमार्गअन्तर्गत बर्दिवासको काठेपूलमा बम फेला

काठमाडौं / पूर्व पश्चिम राजमार्गअन्तर्गत महोत्तरीको बर्दिवास १ काठेपूल भन्ने स्थानमा प्रेसर कुकर बम फेला परेको छ ।

बम फेला परेपछि नेपाल प्रहरी, सशस्त्र प्रहरी र नेपाली सेनाको बम डिस्पोजल टोली घटनास्थलमा पुगेको छ ।
यातायात सञ्चालनमा रोक लगाएर बम निस्क्रिय पार्ने प्रयास भइरहेको जनाईएको छ।

विप्लव नेतृत्वको नेपाल कम्युनिस्ट पार्टीका कार्यकर्ताले राजमार्गमा यातायात अवरोध पुर्याउने उदेश्यले बम राखेको हुनसक्ने प्रहरीले  जानकारी दिएको छ ।