टर्कीमा कर्मचारी निष्कासनको विरोध

टर्की सरकारले आइतबार एक निर्देशिका जारी गर्दै ती कर्मचारीलाई बर्खास्त गरिएको जनाएको विभिन्न अन्तर्राष्ट्रिय समाचार संस्थाहरुले जनाएका छन् । यसरी बर्खास्त हुनेमा सरकारी गैरसैनिक कर्मचारी, सैनिक अधिकारी, प्रहरी र विश्वविद्यालयका प्राध्यापकहरुसमेत गरी १८ हजारभन्दा बढी रहेका थिए । आतङ्ककारी समूह या संगठनहरुसँग सम्बन्ध राखेर राष्ट्रियता र सरकारका विरुद्धमा लागेका भन्दै ती कर्मचारीलाई बर्खास्त गरिएको सरकारको दाबी छ । तर अधिकारवादीहरुले राष्ट्रपति रिसेप तैयब एर्दाेगानले राष्ट्रसेवकहरुप्रति नराम्रो व्यवहार गरेको र मनोमानी ढङ्गबाट कर्मचारी निष्कासन गरेको भनेर विरोध गरेका हुन् ।

सन् २०१६ को जुलाई महिनामा टर्कीका राष्ट्रपति रिसेप तैयब एर्दाेगानका विरुद्धमा यहाँ सैनिक विद्रोहको असफल प्रयास भएको थियो । त्यसपछि राष्ट्रपति एर्दाेगानले आफ्ना विरोधी मानिएका सेना, प्रहरी, गैरसैनिक कर्मचारी तथा विश्वविद्यालयका प्राध्यापकहरुलाई जेलहाल्ने, सेवाबाट बर्खास्त गर्ने तथा अरु विविध खालको कारबाही गर्नुभएको थियो । त्यस समयदेखि आजसम्म अर्थात् दुई वर्षसम्म यहाँ सङ्कटकालीन अवस्थाको घोषणा गरिएको छ । यो अवस्थाको कम्तीमा पनि सात पटकसम्म अनुमोदन गरिएको छ । रासस/एएफपी