सागर थापासहित पाँचै खेलाडीलाई सफाई

काठमाडौं’/ राष्ट्रिय टोलीबाट खेल्दा अन्तर्राष्ट्रिय खेलमा म्याच फिक्सिङ गरेको निष्कर्ष निकाल्दै प्रहरीले पाँच जनाविरुद्ध जन्मकैदको माग गर्दै विशेष अदालतमा २०७२ कात्तिकमा मद्दा दायर गरेको थियो ।

राष्ट्रिय फुटबल टोलीका पूर्व कप्तान सागर थापासहित पाँचैजना खेलाडीले राज्यविरुद्धको अपराधका मुद्दामा सफाइ पाएका छ । विशेष अदालतले बिहीबार पाँचै जनालाई सफाइ दिएको हो । सागरसँगै सफाई पाउनेमा सन्दीप राई, अन्जन केसी, रितेश थापा र विकास सिंह क्षेत्री छन् । उनीहरुलाई फिफाले भने आजीविन खेलमा प्रतिबन्ध लगाएको छ ।

नेपालमा म्याच फिक्सिङका विषयमा कानुन नभएका कारण उनीहरुलाई राज्यविरुद्धको अपराधमा मुद्दा दायर गरिएको थियो । पाँच मध्ये अन्जन केसी भने बेटिङ अभियोगमा कहि दिन अघि पक्राउ परेका थिए ।