छुट्टाछुट्टै घटनामा दुईजनाको मृत्यु

ताप्लेजुङ, / ताप्लेजुङमा छुट्टाछुट्टै घटनामा दुईजनाको मृत्यु भएको छ । जिल्ला प्रहरी कार्यालय ताप्लेजुङका अनुसार ट्रयाक्टर दुर्घटनामा परी एक युवाको मृत्यु भएको छ भने तमोर नदीमा डुबेर एक वृद्धको मृत्यु भएको छ ।

जिल्लाको पाथीभरा याङ्वरक गाउँपालिका वडा नं. १ नाङ्खोल्याङको भित्रिया सडकमा मे १ ज ८६३२ नम्बरको ट्रयाक्टर दुर्घटना हुँदा सो ट्रयाक्टरका चालक झापा बुधबारका २२ वर्षीय निसन बर्देवाको मृत्यु भएको हो । अनियन्त्रित भई ट्रयाक्टर दुर्घटना हुँदा चालक बर्देवाको घटनास्थलमै मृत्य भएको जिल्ला प्रहरी कार्यालय सञ्चार शाखाले जनाएको छ । प्रहरीका अनुसार ट्रयाक्टर सडकबाट करिव एक सय मिटर तल खसेको थियो ।

यस्तै जिल्लाको मेरिङ्देन गाउँपालिका २ स्थायी घर भई हाल आठराई त्रिवेणीस्थित दोभानबजारमा डेरा गरी बस्दै आएका ६६ वर्षीय साङ्गे शेर्पाको तमोर नदीमा डुबेर मृत्यु भएको छ । दोभानबजार नजिक बाख्रा चराउन गएको बेला अचानक चिप्लिएर नदीमा खसेको र डुबेर शेर्पाको मृत्यु भएको प्रहरीले जनाएको छ । दुवै घटना मङ्गलबार दिउँसो भएको र मृत्यु भएकाको बुधबार जिल्ला अस्पताल ताप्लेजुङमा पोष्टमार्टम गरी आफन्तलाई बुझाएको पनि प्रहरीले जानकारी दिएको छ ।प्रयास लिम्बू