पुकुर्टीको अध्यक्षतामा प्रेस युनियन ताप्लेजुङको नयाँ कार्य समिति गठन 

ताप्लेजुङ । प्रेस युनियन जिल्ला शाखा ताप्लेजुङको पाचौँ जिल्ला अधिवेशन सम्पन्न भएको छ । सन्तोष पुकुर्टीको अध्यक्षतामा नयाँ कार्य समिति गठन गर्दै अधिवेशन सम्पन्न भएको हो। 
बुधबार  ताप्लेजुङको जरा होटलमा सम्पन्न भएको अधिवेशनबाट उपाध्यक्षमा कृष्ण फुरुम्बो लिम्बू र रन्जना गुरुङ चयन भएका छन् । यस्तै सचिवमा तरुण भारती सहसचिवमा अनुपा गुरुङ र कोषाध्यक्षमा फुर्वा शेर्पा चयन भएका छन् । 

साथै सदस्यहरूमा राजन गौतम, देवेन्द्र वानियाँ, तेन्जीङ शेर्पा (संखर), पवित्रा सावादेन, दाखाङडु शेर्पा (प्रियसा), अर्जुन कटुवाल र तुलसी राई चयन भएका छन् ।

अधिवेशनको प्रमुख अतिथिमा नेपाली कांग्रेस ताप्लेजुङका सभापति गजेन्द्र तुम्याहाङ, विशिष्ट अतिथि  प्रेस युनियनका केन्द्रीय सदस्य भिम कुमार बाँस्कोटा, प्रदेश प्रतिनिधि लक्ष्मी गौतमको उपस्थिति रहेको थियो ।