ताप्लेजुङमा स्कारपिओ दुर्घटना: एकको मृत्यु, एक घाइते

ताप्लेजुङ । ताप्लेजुङको फुङलिङ नगरपालिका वडा नं ६ भोटेगुम्बामा स्कारपिओ बिहिबार बिहान दुर्घटना हुँदा एक जनाको मृत्यु भएको छ भने एक जना घाईते भएका छन् ।

जिल्ला प्रहरी कार्यालय ताप्लेजुङका प्रहरी प्रमुख, प्रहरी नायव उपरीक्षक (डिएसपी) राजन लिम्बूका अनुसार भोटेगुम्बाबाट पराजुली चोकतर्फ आउँदै गरेको स्कारपिओ गाडी दुर्घटना हुँदा ५ बर्षे बर्षिय बालक अंशुमान गुरुङको मृत्यु भएको हो । गाडी चालक मृतक अंशुमानका ठूला बुवा कृष्ण गुरुङ घाइते भएका छन्।

डिएसपी लिम्बूका अनुसार मे१च७३५३ नम्बरको स्कारपिओ अनियन्त्रित भई बाटो देखि करिव ४०–५० मिटर तल खसी दुर्घटना भएको थियो।

गाडाीमा सवार दुबै जनालाई घटनास्थलबाट उपचारका लागि ताप्लेजुङ जिल्ला अस्पताल लगिएकोमा अंशुमानलाई चिकित्सकले मृत घोषणा गरेका थिए।

शव पोष्टमार्टमको लागि जिल्ला अस्पताल ताप्लेजुङको शव गृहमा राखिएको छ भने घाईते कृष्ण गुरुङको जिल्ला अस्पतालमा उपचार भई रहेको प्रहरीले जनाएको छ ।