पाथीभरा याङ्वरकमा ५ दिने उद्धोषण तथा भाषणकला तालिम सम्पन्न

ताप्लेजुङ । पाथीभरा याङ्वरक गाउँपालिकामा ५ दिने उद्धोषण तथा भाषणकला सम्बन्धी तालिम बुधबार सकिएको छ । पाथीभरा याङ्वरक गाउँपालिकाका जनप्रतिनिधि तथा कर्मचारीका लागि शनिबारबाट सुरु भएको तालिम बुधबार सकिएको

हो ।

तालिममा ३० जना सहभागी रहेका थिए भने सहभागीलाई पालिकाका उपाध्यक्ष रनमाया गुरुङ,प्रमुख प्रशासकीय अधिकृत जर्नादन निरौला र शिक्षा अधिकृत लासाङ तामाङले प्रमाणपत्र बितरण गरेका थिए ।

समापन समारोहमा बोल्दै उपाध्यक्ष गुरुङले तालिममा सहभागिको भाषण कला सुन्दा तालिम प्रभावकारी भएको बताईन् ।

त्यस्तै कार्यक्रमका सहजकर्ता पत्रकार महासंघ ताप्लेजुङका पूर्व अध्यक्ष तथा उज्यालाो पोष्ट दैनिकका सम्पादक खगेन्द्र अधिकारीले तालिमबाट सिकेको सीपलाई भरपुर उपयोग गर्न सहभागीहरुलाई सल्लाह दिए ।