उज्यालो पोष्टले मनायो सातौँ वार्षिक उत्सव, फूरुम्बो र यक्सो सम्मानित 

ताप्लेजुङ । ताप्लेजुङको एक मात्र र पहिलो दैनिक पत्रिका उज्यालो पोष्टले आफ्नो सातौँ वार्षिक उत्सव मनाएको छ । आज ताप्लेजुङको अन्नपूर्ण होटलमा एक शुभकामना आदानप्रदान कार्यक्रमको आयोजना गरी सातौं वार्षिक उत्सव मनाएको हो ।

वार्षिक उत्सवको अवसरमा उज्यालो पोषटमा लामो समयसम्म काम गरि योगदान दिएको भन्दै पत्रकार कृष्ण फूरूम्बो र टीका माया यक्सोलाई सम्मान गरिएको छ । उनीहरूलाई नगद रु. ३ हजार ५ राशि सहित प्रमाण पत्र प्रदान गरि सम्मान गरिएको उज्यालो पोष्टका सम्पादक खगेन्द्र अधिकारीले बताए । 

आगामी दिनमा सन्चार क्षेत्रमा निर्वाह गर्नु पर्ने न्यूनतम सामाजिक दायित्वलाई जिम्मेवारी रूपमा ग्रहण गर्ने उनले बताए । जिल्ला समन्वय समितिका प्रमुखको प्रमुख आतिथ्यमा सम्पन्न भएको कार्यक्रममा ताप्लेजुङका पत्रकारहरूको उपस्थित रहेको थियो ।