ताप्लेजुङमा भिरमा अड्किएको अवस्थामा एक महिलाको उद्दार

ताप्लेजुङ । ताप्लेजुङको मेरिङदेन गाउँपालिका वडा नम्बर ३ खाम्लुङ खोलाखेत युनाईटेड हाईड्रो पावर नजिकै आईतबारे भिरमा लडेर अड्किएको अवस्थामा महिलालाई उद्दार गरिएको छ । शुक्रबार भिरमा अड्किएको अवस्थामा सोही गाउँपालिका ४ दिङ्ला,लिङ्तेप निवासी अन्दाजी ४५ वर्षिय माया लिम्बुको उद्दार गरिएको जिल्ला प्रहरी कार्यलय ताप्लेजुङका सुचना समन्वय अधिकृत तथा प्रहरी प्रवक्ता,प्रहरी निरीक्षक कुशाराम कार्कीले जानकारी दिए ।

स्थानीयबासीले महिलालाई भिरमा अड्किएको अवस्थामा देखेर प्रहरीलाई खबर गरेका थिए । खबर पाउँनासाथ सान्थाक्रा अस्लथाई प्रहरी चौकी र नेपाली सेना साथै जनप्रतिनिधिले संयुक्त रुपमा उत्त महिलाको सकुशल उद्दार गरिएको हो । महिलाको अवस्था सामान्य रहेको र आफन्तलाई जिम्मा लगाईएको प्रहरी निरिक्षक कार्कीले जानकारी दिए ।