युवाहरुलाई शेयर बजार र लगानी सम्बन्धि तालिम दिँदै मैवाखोला

ताप्लेजुङ । ताप्लेजुङको मैवाखोला गाउँपालिकाले आफ्ना पालिकाका युवाहरुलाई शेयर बजार र लगानी सम्बन्धि आधारभुत तालिम दिएको छ । नागरिकहरुलाई आयआर्जनमा जोड्दै आत्मनिर्भर बनाउने उद्देश्यले पालिकाले युवाहरुलाई ५ दिने शेयर बजार र लगानी सम्बन्धि आधारभुत तालिम दिएको हो ।

मैवाखोला गाउँपालिकाको वित्तिय व्यवस्थापन र पुननिर्माण केन्द्र ताप्लेजुङको आयोजनामा भएको तालिममा पालिका भित्रका ३० युवाहरुको सहभागिता रहेको थियो । तालिमले आफुहरुलाई शेयर र लगानी सम्बन्धि धेरै ज्ञान प्राप्त भएको सहभागिहरुले प्रतिक्रिया दिएका छन् ।

यो कार्यक्रमलाई पालिकाले आगामी दिनमा निरन्तरता दिने पालिका अध्यक्ष विजय प्रकाश वनेमले बताएका छन् ।