मैवाखोलामा स्वास्थ्य तथा पोषण कार्यक्रम अन्तर्गत पालिका स्तरीय कार्यशाला गोष्ठी सम्पन्न

ताप्लेजुङ । मैवाखोला गाउँपालिककाले विद्यालय स्वास्थ्य तथा पोषण कार्यक्रम अन्तर्गत पालिका स्तरीय समिक्षा तथा कार्यशाला गोष्ठी सम्पन्न गरेको छ । बुधबार पालिकामा स्वास्थ्य तथा पोषण कार्यक्रम अन्तर्गत किशोरीहरुलाई आईरन फोलिक एसिड वितरण सम्बन्धि समिक्षा तथा कार्यशाला गोष्ठी सम्पन्न भएको हो ।

कार्यशाला गोष्ठीले आईरन फोलिक एसिड वितरण कार्यक्रमलाई प्रभावकारी बनाउन यसको उपयोग र महत्वका बारेमा विद्यालयका किशोरीहरुलाई स्वास्थ्यकर्मीहरु मार्फत परामर्श उपलब्ध गराउने निष्कर्श निकालेको स्वास्थ्य शाखा प्रमुख फुर्वा शेर्पाले जनाए ।

मैवाखोला गाउँपालिका स्वास्थ्य शाखाको आयोजनामा भएको कार्यक्रममा पालिका भित्रका आधारभुत साथै माध्यमिक विद्यालयका प्रधानध्यापक,स्वास्थ्य शाखाका प्रमुख र जनप्रतिनीधिहरुको सहभागीता रहेको थियो ।