साहिलको लागि माग्यो ताप्लेजुङ सरोकार केन्द्रले भोट

काठमाडौं । ताप्लेजुङ सरोकार केन्द्रले नेपालको चर्चित रियालिटी सो ‘दी भोइस अफ नेपाल सिजन-४’ को टप-४ मा पुग्न सफल साहिल लिम्बू फूरुम्बोका लागि भोट मागेको छ ।

केन्द्रले एक विज्ञप्ति जारी गर्दै साहिललाई ‘दी भोइस अफ नेपाल सिजन-४’ को उपाधि दिलाउनका लागि ताप्लेजुङ बासि तथा देश विदेशमा रहने सम्पूर्ण महानुभावहरूलाई अत्याधिक भोट दिई विजयी गराउन अनुरोध गरेको हो । 

साथै भोइसको टप चारमा पुग्न सफल भएको भन्दै बधाई पनि दिएको छ । ताप्लेजुङ जिल्लाको फूरुम्बो निवासी लिम्बू अहिले ‘दि भोइस अफ नेपाल सिजन-४’ को टप-४ मा पुग्न सफल भएका छन् । उनी टिम प्रविसामा छन् । विषेश गरि उनी पुर्बेली भाका कारण परिचित छन् । उनलाई भोइसमा शालीन प्रतिस्पर्धीको रुपमा पनि चिन्ने गरिन्छ । 

ताप्लेजुङबाट काठमाडौं उपत्यकामा आइ विभिन्न पेसा व्यवसायमा संलग्न ताप्लेजुङ बासीहरूको साझा छाता संस्था उक्त सरोकार केन्द्र ताप्लेजुङ बासीहरुबीच आपसी सहयोग, एकता तथा हार्दिकताको अभिवृद्धि गर्दै दुःख–सुखको साथी बन्ने र जिल्लाको विकासमा टेवा पु¥याउने उद्देश्यले स्थापना भएको हो ।