स्थानीय निर्वाचन : ताप्लेजुङमा आज बेलुका ८ बजेदेखि भोलि बिहान ४ बजेसम्म घरबाहिर निस्कन नपाइने प्रकाशित मिति : 12 May, 2022 6:43 pm ताप्लेजुङ । ताप्लेजुङ जिल्लामा आज बेलुका ८ बजेदेखि भोलि बिहान ४ बजेसम्म घरबाहिर निस्कन नपाइने भएको छ । भोलि बैशाख ३० मा हुन गइरहेको स्थानीय निर्वाचनको सुरक्षालाई ध्यानमा राखी आज बेलुका ८ बजे देखि भोलि बिहान ४ बजे सम्म घरबाट बाहिर ननिस्कन सर्वसाधारणलाई जिल्ला प्रशासन कार्यलय ताप्लेजुङले एक सूचना मार्फत अनुरोध गरेको हो । अति आवश्यक परि घरबाहिर निस्कनु परेमा सुरक्षा निकायलाई जानकारी दिएर मात्र निस्कन जिल्लावासी सबैलाई आग्रह समेत गरिएको जिल्ला प्रशासन कार्यालयले जारी गरेको सूचनामा उल्लेख छ ।
