भष्मे साँईली सार्वजनिक (भिडियो सहित)

ताप्लेजुङ । हर्कराज गुरुङको मौलिक शब्द र भावमा सिर्जना भएको भष्मे साँईली बुधबार टिभि नेपाल युट्युब च्यानल मार्फत रिलिज भएको छ । ताप्लेजुङ्का गायक अनिल खड्का र चर्चित गायिका मिलन अमात्यको स्वरमा सजिएको सो गीतको संगीत संयोजन तथा मिक्सिंग प्रमोद परियारले गरेका छन् ।

ताप्लेजुङको नाङ्ख्योल्याङमा सुटिङ भएको म्युजिक भिडियो मा ७०-८० बर्ष अघिको गाउँको प्रेमिल जोडीहरुको परिवेश देखाउन खोजिएको छ । झन्डै दूई बर्ष निर्देशनको अध्यन गरेका सामिप्य श्रेष्ठ र ताप्लेजुङकि सोनाम देबी केदेमले प्रेमी र प्रेमिकाको रुपमा दर्विलो अनि जीवन्त अभिनय गरेका छन् भने आमाको रोलमा हाङ्गमा्या लेछार्बोले अभिनय गरेकी छिन । कलाकार तथा मोडल सामिप्य श्रेष्ठले आफ्नै बुबा गायक एवं ईन्जिनियर बीरेन्द्र श्रेष्ठको माया लाग्छ निष्ठुरीको भन्ने गीतमा समेत अभिनय गरेका छन् ।

सुभाष लिम्बुको सिनेमेटोग्राफी, लोकेन्द्र सुब्बाको एडिट मा बनेको गीतको म्युजिक भिडियोले सबैको ध्यान तान्छ । आस्थाकी देवी पाथिभरा मन्दिर तथा ताप्लेजुङका बिभिन्न स्थानका चर्चित फोटोका फोटोग्राफर तथा मौलिक रेस्टुरेन्ट आलु कटेजका प्रोपराईटर हर्कराज गुरुङ फोटोग्राफर को रुपमा होस या मौलिक गित लेखन तथा म्युजिक भिडियो निर्माण गररे होस ताप्लेजुङको प्रचारप्रसार र विकासमा लागिरहेका जिल्लाबासी हुन ।