मिस एण्ड मिस्टर टीन शेर्पाको उपाधि मिङमार छिरिङ र आङ दाली शेर्पालाई

मिङमा शेर्पा पाङकर्मा काठमाडौं १ माघ / गौतमा बुद्ध फिल्मीस प्रा. लि द्धारा आयोजना गरिएको मिस टीन शेर्पा २०२० को उपाधि आङ दाली शेपाले प्राप्त गरेकी छिन् भने मिस्टर टीन शेर्पा मिङमार छिरिङ शेर्पाले जीत हात पारेका छन । ११ जना प्रतिस्पर्धीलाई उछिन्दै आङ दाली शेपाले उपाधि जितेकी हुन् भने मिङमार छिरिङ शेर्पाले ६ जना प्रतिस्पर्धीलाई पछाडि पार्दै जीत हात परेका हुन् ।

प्रतियोगितमा मिस टिन शेर्पा तर्फ ल्हमु शेर्पा र डोमदिकी शेर्पा क्रमशः फस्ट र सेकेण्ड रनरअप बनेका छन् भने मिस्टर टिन शेर्पा तर्फ क्रमशः आङ छिरी शेर्पा र लाक्पा साङगे शेर्पा फस्ट र सेकेण्ड रनरअप हुन सफल भएका छन् ।

मिस टिन शेर्पा २०२० बिजेता आङ दाली शेर्पा र मिङमार छिरिङ शेर्पाले ताज सहित ३० हजार रुपैयाँ नगद पुरस्कार हात पारेका छन । शेर्पा समुदाय भित्रका किशोर किशोरी छनौट गरिएको मिस एण्ड मिस्टर टिन शेर्पा प्रतियोगिताको यो दोस्रो संस्करण हो ।

सन २०१९ देखि गौतम बुद्ध फिल्म्स प्रा लि ले निरन्तर आयोजना गरिदै अएको प्रतियोगितामा शेर्पा समुदायको किशोर किशोरीहरुमा भएको खुबीलाई प्रस्फुटन गराउन र आत्मबल बढाउन यस प्रतियोगितामा भाग लिने गरेका छन् ।

कार्यक्रमका प्रमुख अतिथि महिला बालबालिका तथा जेष्ठ नागरिक मन्त्री पर्वत गुरुङ , विशेष अतिथि नेपाल शेर्पा संघका अध्यक्ष गेल्जे शेर्पा सहभागी रहेका थिए । मन्त्री पर्वत गुरुङले यस्ता कार्यक्रमले शेर्पा किशोर किशोरीहरुको व्यक्तित्व विकास हुने बताउनु भयो । उहाँले शेर्पा समुदायको हक आधिकरको लागि आफु सदैव साथ र सहयोग गर्न तयार रहेको बताउनु भयो । कार्यत्रममा ३०० जना भन्दा बडि दर्शक हरु सहभागी थिए ।