अवैध लागूऔषध सहित ५ जना पक्राउ

काठमाडौं साउन २६ / काठमाडौं महानगरपालिका-१४ कलंकीस्थित रिजन गेष्ट हाउसबाट चन्द्रागिरिनगरपालिका थानकोट बस्ने ३५ वर्षीय पूर्णदास गोपाली सहित ५ जनालाई लागूऔषध
फेनारगन १२ एम्पुल, डाईजोपाम १३ एम्पुल र नुरफिन १२ एम्पुल सहित शनिबार दिउँसोप्रहरीले पक्राउ गरेको छ । साथै पूर्णदास गोपालीको साथबाट नगद ९२ हजार रुपैयाँ समेत
प्रहरीले बरामद गरेको छ । विशेष सूचनाको आधारमा महानगरीय प्रहरी बृत्त कालिमाटीबाट
खटिएको प्रहरीले सो गेष्ट हाउसमा जाँच गर्दा उक्त लागूऔषध सहित फेला पारी उनीहरुलाई
पक्राउ गरेको हो ।

थप अनुसन्धान गर्ने क्रममा निज गोपालीका साथीहरु बा.१ ज ७८७७ नम्बरका ट्याक्सी
चालक ललितपुर बखुण्डोल बस्ने तनहुँ दमौली घर भएका ५० वर्षीय जिवन राणा र नख्खु बस्ने
नवलपरासी रजहर घर भएका ४० वर्षीय नौमाया मगरलाई लागूऔषध नुरफिन ७० एम्पुल,
डाईजोपाम ७० एम्पुल र फेनरागन ७० एम्पुल सहित सानेपाबाट पक्राउ गरेको छ ।

साथै ललितपुर महानगरपालिका-११ बखुण्डोलमा रहेको जिवन राणाको कोठाबाट थप
लागूऔषध फेनारागन २ सय ५ एम्पुल, नुरफिन १ सय ४३ एम्पुल, डाईजोपाम १ सय ७३
एम्पुल, १ तोलाको सुनको सिक्रि १ थान, ३.५ तोलाको सुनको औंठी १ थान, चाँदीको चेन ४
तोला र नगद २ लाख ७९ हजार ५ सय रुपैयाँ समेत प्रहरीले बरामद गरेको छ ।

सुनसरी, ईटहरी उपमहानगरपालिका-४ धरान लाईनस्थित कोशी राजमार्गबाट कैलाली
धनगढी उपमहानगरपालिका-२ घर भएका नेपाली सेना पूर्वी पृतना हेडक्वाटर इटहरीमा
सेनानी पदमा कार्यरत ३६ वर्षीय अजित प्रसाद सिंह र सुनसरी रामधुनी नगरपालिका-१ बस्ने
२२ वर्षीय प्रमोद कुमार चौधरीलाई १ ग्राम ३ सय २० मिलिग्राम लागूऔषध ब्राउन सुगर
सहित शनिबार साँझ प्रहरीले पक्राउ गरेको छ । यस सम्बन्धमा स्थानीय प्रहरीले थप अनुसन्धान गरिरहेको छ ।