साढे तीन अर्ब लगानीमा लिफ्टसहितको ११ तले धरहरा निर्माण सुरु प्रकाशित मिति : 15 November, 2018 7:34 am काठमाडौं / भूकम्पले भत्काएको धरहराको आडैमा ११ तले नयाँ धरहरा बन्ने भएको छ । धरहरा निर्माणका लागि खाल्डो खन्ने काम सुरु भएको हो । दुई वर्षभित्र धरहरा तयार हुने राष्ट्रिय पुननिर्माण प्राधिकरणले जनाएको छ । प्राधिकरणका सम्पदा विभाग प्रमुख राजुमान मानन्धरले जिआइइटिसी रमन जेभीलाई दुई वर्षमा निर्माण सम्पन्न गर्ने गरी पुननिर्माणको जिम्मेवारी दिएको बताए । आजको नयाँ पत्रिका दैनिकमा समाचार छापिएको छ ।
