तस्करीको ४७ तोला सुनसहित ४ जना गौशाला प्रहरीको फन्दामा

१३ चैत, काठमाडौं / विदेशबाट अवैध सुन तस्करीमा संलग्न ४ जनालाई महागनगरीय प्रहरी वृत्त, गौशालाले ४७ तोला सुनसहित पक्राउ गरेको छ ।

पक्राउ पर्नेमा काठमाडौं–९, पिंगलास्थलस्थित सवनम गेष्ट हाउसका सञ्चालक धनुषा सबेला–१२ का २० वर्षीय महोमद महमद सेफुल्ला, सर्लाहीको मलंगवा–७ का २५ वर्षीय रवी महतो र सिराहाको मिर्चैया–१० का ३८ वर्षीय राम पुकार महतो छन् ।

उनीहरुलाई सोमबार विदेशबाट अवैध सुन तस्करी गरिरहेको सुराकीका आधारमा पक्राउ गरिएको वृत्तका प्रमुख अनुपम श्रेष्ठले बताए ।

उनका अनुसार पक्राउ परेकाहरुलाई त्रिभुवन अन्तर्राष्ट्रिय विमानस्थलबाट भन्सार कार्यालय, गौचरणमा थप कारबाहीका लागि सुनसहित पठाइएको छ ।